Grida Duma, deputetja demokrate që mëtoi të qe një zë apo fytyrë ndryshe në PD, la mandatin për të tjera eksperienca jetësore.
E shfaqur në zgjedhjet lokale të 2011, si një investim në media nga Henri Çili, mbështetës i Bashës në atë kohë, Duma iu shtua figurave publike garore në politikë, shumë e pranishme si lajm por jo aq si intelekt impresionues.
Në një deklaratë për media, ajo për herë të parë përmendi djalin e saj të mitur, duke thënë se gjuhën e kundërshtarëve ndaj saj e ka vuajtur pikërisht fëmija i saj.
“Nuk i jam larguar përgjegjësi edhe kur më kanë goditur personalisht, mjerisht sepse nuk gjetën dot një aferë korrupsioni, një nderje duarsh. Dhe pikërisht se nuk i gjetën aferat korruptive jam sulmuar nga hienat me intriga të pacipa që të më brejnë personalisht.
Vetë e kam ditur që do ta paguaj këtë kosto në një vend larg zhvillimit etik por shpesh do ta them dicka që kam nguruar ta them, sot do t’ju them se ka një gjë që nuk do ja fal vetes kurrë dhe nuk do t’ ja fal atyre, që do të jetë pengu i jetës time derisa të mbyll sytë.
Goditja që më bënit mua godiste pandërprerë dhe thellë tim bir në shpirt, nuk ja u kam falur kurrë dhe nuk do tja harroj kurrë politikës tuaj së llumit dhe shpresoj të ketë qenë një mësim për të. Herë pas herë dalin me fytyrën e ngrirë sikur po shpikin rrotën”, tha Duma.
Ajo u largua nha kolegët deputetë, duke provokuar madje dhe lot ndër ta.
Po si e shpjegoi lënien e mandatit znj. Duma?
“Kam dorëzuar shkresën për lënien e mandatit në Komisioninn e Mandateve. Pas një reflektimi të gjatë, reflektim që vjen pas një përpjekje të gjatë për të bërë të duhurën për partinë time dhe votuesit që përfaqësoj, ky është vendimi i duhur.
Mendoj që në politikë fatet individit vlen të konsiderohen dhe rimendohen vetëm kur ato shkojnë në një kahje me fatet e njerëzve dhe vendit.
Më e thjeshta për mua do ishte të kisha qëndruar të prisja të mos ndodhin dështimet që disa u parashikojnë, siç e di që ka edhe nga ata që presin skutave për shansin e humbur.
Mund të qëndroja për të mbijetuar, duke vegjetuar. Shumë vite në politikën e vijës së parë nuk i jam larguar përgjegjësie e as betejës. Ky ka qenë vendimi më i vështirë për mua. Faleminderit që keni Ardhur dhe çfarë këni bërë në oborret e PD”, tha Duma. /tesheshi.com/
