Përfaqësuesja spanjolle do të ketë dy ndeshje kyçe brenda pak ditëve në fushatën eliminatore për Botërorin 2018. Italia, e më pas Shqipëria, do të jenë kundërshtarët më 6 dhe 9 tetor.
Në kuadër të përgatitjeve për këto dy sfida, dje është bërë e njohur lista e lojtarëve që do të grumbullohen me përfaqësuesen.
Trajneri i ri i Spanjës, Julen Lopetegui, i cili zuri vendin e Del Bosque-s muaj më parë, ka vendosur të lërë jashtë listës katër emra të njohur, që mësohet të mos jenë më në planet e tij.
Fabregas, Iker Casillas, Pedro Rodriguez dhe Juanfran mungojnë mes atyre që do të grumbullohen. Po ashtu do të mungojnë në këto dy takime dhe Bartra, Azpilicueta, Juan Mata, Adrian dhe Paco Alcacer.
Pa një mungese të gjatë është rithirrur Jose Callejon, i cili luan me Napolin, e bashku me të kanë gjetur vend në grumbullimin e ri dhe Isco, Sergio Rico dhe Nacho.
Lopetegui ka parapëlqyer të thërrasë këta lojtarë për dy përballjet pas pak ditësh: De Gea, Reina, Sergio Rico, Nacho, Jordi Alba, Pique, Ramos, Carvajal, Sergi Roberto, Javi Martinez, Busquets, Iniesta, David Silva, Thiago Alcantara, Saul Niguez, Koke, Isco, Morata, Lucas Vazquez, Nolito, Callejon, Diego Costa dhe Vitolo. /tesheshi.com/
