Shqiptarët e Preshevës, edhe pse nuk kanë të drejta dhe mundësi ekonomike të barabarta, ama lopët i kanë më të mira se serbët.
Kjo nuk është një e dhënë sipërfaqësore, por doli nga një konkurs i posaçëm që u zhvillua në fshatin Levosojë të Bujanocit.
Dhe lopët kampione janë të fshatit Konçul, fshatit që ishte zemra e luftës çlirimtare në vitin 2001 me UÇPMB-në, dhe natyrisht vendbanimi i kryetarit të Këshillit Shqiptar të Luginës, Jonuz Musliut.
Siç njofton “Presheva Jonë”, një juri e zgjeruar nga Beogradi, i ka dhënë kupën Avdi Osmanit nga fshati Konçul.
Por përveç kupave, fituesit kanë marrë dhe nga një “dorë” parash.
Në garat për “Miss Lopa-2015″ janë ekspozuar mbi mbi 70 frymë të racës simeltane. Avdi Osmani ka fituar 30 mijë dinarë ose 250 euro.
Shpërblimet i ndau kryetari i komunës së Bujanocit, dr.Nagip Arifi.
Konkurrentët dythundrakë ishin të ndara në tri kategori: atë të viçave, mëshqerrave dhe lopëve të rritura. Çmimi i radhës ju dha fermerëve: Zorana Trajkoviç dhe Jakup Fejzullahut nga Tërnoci i Madh, të cilët fituan përveç çmimit të dytë edhe nga 20.000 dinarë ose 167 euro.
Një shpërblim i tillë u nda për lopët më të mira të kategorive “më të moshura” që u fitua nga Ismet Isenit i fshatit Nesalcë, i cili ishte pronari i lopës, e cila vitin e kaluar kishte prodhuar 5,229 litra qumësht.
Në Bujanoc, blektoria është mjaft e përhapur dhe është një zonë ku edhe emigrimi është më i vogël se në Preshevë dhe Medvegjë.
Nga Blektoria vitin e shkuar u arrit të vilen 12 milion dinarë ose 100 mijë euro.
“Me këtë eveniment të sotëm këtu me lopët tona, dëshmojmë se Bujanci ka mundësi dhe perspektive të mirë edhe për blektorinë. Kurse të shpërblyerve, pronarëve të lopëve ju urojmë që vititet e ardhshme t’i rritet bereqeti dhe lopët e tyre të bëjnë më shumë qumësht se sa sivjet”, ka deklaruar kryetari Arifi.
Për ndërzimin artificial të lopëve në Bujanoc, Preshevë dhe Medvegjë, qeveria e Beogradit në pesë vitet e fundit ka investuar 22 milionë dinarë ose 184 mijë euro.
/tesheshi.com/
