Vizita shumë e bujshme e Presidentit francez, Emanuel Macron në SHBA ka xhelozuar së tepërmi Britaninë e Madhe që duket se ka humbur pozitën si aleati i privilegjuar i Uashingtonit në Europë.
Sinjalet edhe personale të afërsisë së Trump me Macron, edhe pse me vizione të ndryshme politike, kanë dhënë një sinjal të shqetësuar për Londrën.
Për të qetësuar aleatët e tij, Donald Trump ka bërë të ditur se do të zhvillojë një vizitë në Britaninë e Madhe por ajo nuk do të jetë vizitë shtetërore, pra me protokoll të plotë.
Shtëpia e Bardhë ka bërë të ditur se Trump do të jetë në Londër në korrik, por jo me karrocë, paradë dhe darkë në Buckimham Palace.
Në Britani, Trump do të kthehet pas samitit të mesit të korrikut të krerëve të shteteve të NATO-s që mbahet në selinë e aleancës në Bruksel.
Pakënaqësia e Trump erdhi një vit më parë kur deputetët britanikë nuk lejuan që Presidenti i SHBA-së të mbajë një fjalim në Wesminister. /tesheshi.com/
