Presidenti rus Vladimir Putin dhe gjeneralët e tij janë imazhe të fashizmit dhe tiranisë nga 77 vjet më parë, dhe pushtimi i tyre në Ukrainë turpëron të kaluarën ushtarake të Rusisë, tha për Reuters ministri britanik i Mbrojtjes Ben Wallace.
Në një fjalim që përkon me një marshim të Ditës së Fitores Ruse që shënon fundin e Luftës së Dytë Botërore, Wallace tha se gjeneralët rusë ishin aleatë dje, ndërsa sot ata dhe presidenti i tyre dhe duhet të përballen me një gjykatë ushtarake për luftën në Ukrainë.
“Duke pushtuar Ukrainën, Putini dhe rrethi i tij i brendshëm i gjeneralëve tani pasqyrojnë fashizmin dhe tiraninë e 77 viteve më parë, duke përsëritur gabimet e regjimit totalitar të shekullit të kaluar”, tha Wallace.
“Për ta dhe për Putinin, nuk mund të ketë Ditë Fitore, vetëm turp dhe disfatë të sigurt në Ukrainë”.
Wallace foli ndërsa Putin iu drejtua ushtrisë në Sheshin e Kuq në përvjetorin e fitores mbi Gjermaninë naziste, duke ngjallur kujtime të heroizmit sovjetik për të inkurajuar ushtrinë e tij për fitoren në Ukrainë. /tesheshi.com/
