Ditë pas komunikoi drejtpërsëdrejti me kryeministrin Rama, homologu i tij britanik paraqiti planin se si do frenohen prurjet shqiptare drejt Anglisë.
Duke folur në parlamentin britanik, Rishi Sunak ai prezantoi 5 pikat e planit, duke theksuar njëherësh se punonjësit e Home Office do të futen në aeroportin e Tiranës për të punuar me autoritetet lokale, me qëllimi shkatërrimin e bandave dhe krimit të organizuar.
“Është e padrejtë që njerëzit vijnë këtu ilegalisht. Mjaft është mjaft”, theksoi ai.
Sipas tij, Shqipëria është një “vendi i sigurt” dhe për këtë do nxirren udhëzime të veçanta.
Prezantimi i planit vjen pas një viti me një numër rekord emigrantësh që bëjnë kalime të rrezikshme në La Manche me varka të vogla për të zbarkuar në brigjet britanike.
Plani është, sipas asaj çfarë tha Sunak:
“Së pari, do të ketë një komandë të re, të unifikuar të anijeve të vogla, ku do të përfshihet ushtria, forcat civile dhe inteligjenca.
Së dyti, emigrantëve ilegalë do t’u ndalohet të hapin llogari bankare.
Së treti, azilantët nuk do të strehohen më në hotele, por në konvikte dhe magazina ushtarake.
Së katërti, punonjësve që trajtojnë rastet e azilit do u bëhet shumë e qartë se Shqipëria është vend i sigurt. Ata që pretendojnë se janë viktima të skllavërisë moderne, duhet ta provojnë këtë.
Së pesti, në fillim të vitit të ri qeveria do të nxjerrë ligje për të siguruar që njerëzit që mbërrijnë në MB ilegalisht nuk do të mund të kërkojnë azil këtu”. /tesheshi.com/
