Ministri i Jashtëm britanik, Jeremy Hunt ka akuzuar inteligjencën ushtarake ruse – GRU për një seri sulmesh kibernetike në institucionet politike dhe sportive, kompani të ndryshme e media në mbarë botën.
“Kjo sjellje tregon dëshirën e tyre për të vepruar në injorim me të drejtën ndërkombëtare dhe normat përcaktuara. Ata veprojnë pa menduar për pasojat, pasi ata kanë bindjen se do të dënohen”, tha Hunt.
Sipas Ministrisë së Punëve të Jashtme britanike, Qendra britanike për Cyber Siguri (NCSC) ka zbuluar se GRU është pas sulmeve të fundit kibernetike në mbarë botën, me qëllim minimin e stabilitetit ndërkombëtar.
“Këto sulme kanë goditur qytetarët e shumë vendeve, përfshirë Rusinë, dhe këto pasojat shkojnë në miliona paund”, shtoi Hunt.
Ndër sulmet që NCSC ka identifikuar, është një në Partinë Demokratike amerikane, e cila përbën dhe një prelud për skandalin rreth ndërhyrjes ruse në fushatën presidenciale amerikane në vitin 2016, për të cilën Uashingtoni e ka akuzuar tashmë GRU-në.
Sipas një burimi të qeverisë britanike, GRU është e lidhur me grupe të shumta të njohura pirate, të cilat shpesh paraqesin si të afërta me qeverinë ruse, të tilla si “Fancy Bear”, “Sandëorm”, “stroncium”, “APT 28”, “CyberCaliphate” , “Sofacy” dhe “BlackEnergy Actors”.
Qeveria britanike ka akuzuar GRU-në se qëndron dhe prapa helmimit të ish-agjentit të dyfishtë Sergej Skripal dhe vajzës së tij Julia më 4 mars në Salisbury. /tesheshi.com/
