Një gjykatë në Londër ka deklaruar fajtor 48-vjeçarin Darren Osborne, i cili tentoi të vrasë një grup besimtarësh muslimanë që po dilnin nga falja, në xhaminë e Finsbury Park në Londër.
Nga sulmi gjeti vdekjen një besimtar dhe u plagosën nëntë të tjerë.
I dënuari, gjatë dëshmisë së tij në gjykatë tha se synonte të vriste edhe liderin laburist Jeremy Corbin, si dhe kryebashkiakun e Londrës, Sadiq Khan.
Osborne, një pjesëtar i grupeve ekstremiste të djathta dhe islamofobe, hyri në këtë rrjet ndërmjet materialeve online të grupeve ksenofobe britanike.
Ende nuk është zbardhur vendimi për të mësuar se sa vjet burg do të ndëshkohet, pasi gjykatat britanike në fillim publikojnë verdiktin mbi fajësinë ose jo dhe më pas masën e dënimit. /tesheshi.com/
