Dhjetëra njerëz janë plagosur pasi u përplasën nga një makinë pranë Muzeut të Historisë Natyrore në Londër, raporton Daily Neës, duke iu referuar policisë. Kjo e fundit ka ndaluar një person në vendin e ngjarjes, ndërsa pamjet dramatike tregojnë forcat e sigurisë që i japin ndihmën e parë të plagosurve.
Policia ka evakuar zonën, ndërsa ka ndaluar qarkullimin e mjeteve në rrugët që të çojnë drejt muzeumeve, përfshirë edhe Sloane Square dhe South Kensington.
Një zëdhënës i Policisë Metropolitane tha në numrin e emergjencës u raportua për një makinë që përplaste njerëzit.
“Një numër këmbësorësh janë plagosur. Zyrtarët janë në vendngjarje dhe shërbimi i emergjencës është thirrur për ti dhënë ndihmë qytetarëve.
Një njeri është arrestuar në vendngjarje. Hetimet për të përcaktuar rrethanat dhe motivin janë duke u zhvilluar. Nëse keni ndonjë informacion në lidhje me këtë incident, ju lutemi telefononi 101”, tha zyrtari policor. /tesheshi.com/
