Mijëra persona u mblodhën në qendër të Londrës në një marshim, që kishte si destinacion sheshin para Parlamentit, në shenjë proteste ndaj planeve të Qeverisë që parashikon daljen nga BE brenda vitit 2019.
Siç thonë organizatorët, “Marshimi i Popullit për Europën” synon të bashkojë, rivlerësojë dhe të kundërshtojë daljen e Britanisë së Madhe nga Unioni.
Ditën e hënë, Parlamenti pritet të votojë “repeal bill”, siç njihet ligji që do të anullojë të gjithë legjislacionin europian në Mbretërinë e Bashkuar, edhe pse negociatat me Brukselin për realizimin e “Brexit” po ecin me ngadalë.
Disa manifestues mbajtën në duar flamurin e Bashkimit Europian, ndërsa të tjerë mbajnë pankarta me parullën “Exit from Brexit”. /tesheshi.com/
