Ka ndryshuar mënyra e të qeshurit edhe në internet. Në Shtetet e Bashkuara të Amerikës, thuajse askush nuk e përdor më akronim,in “Lot of Laughts” (Të qeshura me lot) në përgjigje në forume të ndryshme në chat, në Facebook, nëpër komente etj.
Ata që kanë shpallur vdekjen e shkurtimit të përdorur jo vetëm nga amerikanët por nga e gjithë bota, ka qenë një studim i kryer në SHBA nga rrjeti social i Mark Zuckerberg. LOL është zëvendësuar nga emocione të shprehura nëpërmjet kombinimit të tasteve, apo edhe nga qeshja e zakonshme e shprehur ‘hahaha’.
LOL po zëvendësohet me emoji të ngjyrosur, fytyra, smile të cilat dërgohen në internet apo edhe nëpërmjet mesazheve të ndryshme në rrjete sociale apo edhe në aplikacione të tjera komunikuese, për të shprehur të qeshurën.
Rrjeti social Facebook ka realizuar një studim mes përdoruesve amerikanë gjatë javës së fundit të majit dhe ka mbërritur në përfundimin se askush nuk e përdor më “LOL”. Ose më saktë, thuajse askush, pasi 1.9% e përdoruesve vijonin ta përdornin.
Në vend të parë të zëvendësimeve qëndron ‘hahaha’ me 51.4% të përdorimeve, emoji me 33.7% dhe ‘hehehe’ me 13.1%. Nënvizohet se përgjithësisht meshkujt qeshin me ‘hahaha’ apo ‘hehehe’ ndërsa femrat janë më të lidhura me përdorimin e fytyrave të animuara./tesheshi.com/
