Komisioni Qendror i Zgjedhjeve në Koosvë, ka konfirmuar hapjen e 899 qendrave të votimit, me 2,505 vendvotime.
Kryetarja e KQZ-së, Valdete Daka ka kryer obligimin e saj qytetar, ajo ka votuar e para në Fakultetin Teknik në Prishtinë.
“Sot është një ditë e bukur, 22 tetori është ditë festë për Kosovën besojë se qytetaret do ta shfrytëzojnë këtë të drejtë vote. Nga informatat që i kam cdo gjë ka qenë në rregull, të gjitha materialet janë nda me kohë, gjithcka është duke shkuar me rregull”, ka thënë Daka.
E pyetur për veriun e vendit, ajo ka thënë se gjithçka deri është përgatitur dhe nuk beson se do të ketë ndonjë skandal.
“Nuk pritet asnjë skandal as në veriun e vendit, policia e Kosovës e ka planin e vet”, ka theksuar ajo.
Për monitorimin e zgjedhjeve, KQZ-ja ka akredituar rreth 33 mijë e 200 vëzhgues, të cilët përfaqësojnë subjektet politike të certifikuara për pjesëmarrje në zgjedhje.
Në këto zgjedhje marrin pjesë 91 subjekte politike, prej tyre një koalicion, 35 parti politike, 30 iniciativa qytetare dhe 25 kandidatë të pavarur (qoftë për kryetarë komune apo për këshilltarë në Kuvendet Komunale).
KQZ-ja ka çertifikuar 7,091 kandidatë, prej tyre 6,887 janë kandidatë për asambletë komunale, ndërkaq 204 kandidatë janë në garë për kryetarë komunash.
Gara zgjedhore zhvillohet në 38 komuna, ku do të votohet për kryetarët e rinj dhe përbërjet e reja të asambleve komunale. Të drejtë vote kanë më shumë se 1 milion e 890 mijë qytetarë. /tesheshi.com/
