Kreu i grupit parlamentar socialist, Taulant Balla, ishte te Meta në Presidencë për caktimin e datës së zgjedhjeve të pjesshme lokale, pra të atyre për 6 bashki, ku tha se propozohet 6 marsi për mbajtjen e tyre.
“Zgjedhjet duhet të ishin zhvilluar në secilën prej bashkive brenda afatit 45 ditor. Për ne nuk ka asnjë datë, data është e përcaktuar nga ligji dhe Kushtetuta.
Nga ana e Presidentit të Republikës jemi informuar me institucionet për zgjedhjet e pjesshme 6 mars, duke marrë në konsideratë këto afate. Shkeljet kushtetuese të konstatuara këto dy vite nuk duhet të kishin ndodhur dhe zgjedhjet të ishin mbajtur.
Ne kemi qenë në anën e duhur të historisë dhe të respektimit të Kushtetutës. Besoj se edhe Meta e ka kuptuar se deri tani ka shkelur Kushtetutën”, tha Balla.
Ndërsa nga kampi opozitar, më saktë PD-ja e përçarë, ende nuk ka reagim. Vendimi i Metës për Lokalet e pjesshme është lexuar si një tentativë e tij për goditje ndaj Bashës.
Zhvillimi i tyre tani, në kushtet ku ndodhet PD-ja, do çonte në humbjen e sigurt të tyre, përfshirë dhe Shkodrën për herë të parë, e cila do i kalonte PS-së. /tesheshi.com/
