Afati kalimtar i janarit është hapur dhe shumë skuadra që janë vënë në gjah të futbollistëve të njohur, tashmë mund të njoftohen me çmimin e tregut. Qendra për studime sportive (CIES) me seli në Zvicër, ka publikuar një listë prej 50 futbollistëve më të vlefshëm në Europë.
Lista u hartua duke u mbështetur në një algoritëm, që për bazë merr faktorë të ndryshëm sikurse mosha e lojtarëve, gjatësia e kontratës aktuale, si dhe forma momentale nëpër të cilën po kalojnë lojtarët.
Në fakt, vetëm Santi Cazorla dhe Cristiano Ronaldo, janë dy futbollistët e kësaj liste, që kanë kaluar të 30-tat, ndërkohë shumë futbollistë të transferuar me shifra marramendëse gjenden poshtë listës.
Super transferimi i merkatos së shkuar, Anthnony Martial, mbetet prapa Alexis Sanchez, ndërkohë shifra e Gareth Bale, ka rënë pothuajse përgjysmë me çmimin për të cilin u transferua në Santiago Bernabeu.
Listën e kryeson Lionel Messi, që aktualisht ka vlerën, 183,8 milionë funte, ndërkohë pas tij menjëherë renditet bashkëlojtari i tij tek skuadra e Barcelonës, braziliani, Neymar, që kushton 112 milionë funte.
Për të marrë shërbimet e Eden Hazard, skuadrat e interesuara duhet të paguajnë 95,7 milionë funte, deri sa vlera e Cristiano Ronaldos, është 83,6 milionë funte.
Më poshtë keni listën e lojtarëve më të vlefshëm në Europë:/tesheshi.com/
