Sulmuesi argjentinas Lionel Messi është futbollisti më i paguar në botë, përpara portugezit Cristiano Ronaldo, tregon renditjen e dhjetë lojtarëve më të paguar, referuar L’Equipe të Francës.
Kapiteni i Barcelonës, Messi merr 8.3 milion euro bruto çdo muaj, ndërsa ylli i Juventusit, Ronaldo fiton 4,5 milion euro.
Pas tyre vjen braziliani Neymar, i cili fiton pak më shumë se 3 milion euro te PSG dhe është futbollisti më i paguar në Francë.
Ndërsa kolegu i tij në ekip, Kylian Mbappe, nuk arrin në 2 milion euro.
Përpara tij janë dy sulmuesit e Barcelonës Antoine Griezmann dhe Luis Suarez. Ata të dy fitojnë rreth 3 milion euro në muaj.
Në mesin e 10 më të paguarve janë edhe dy lojtarët sulmues të Real Madridit, Gareth Bale dhe Eden Hazard, secili me 2.5 milion euro, Philippe Coutinho, të cilin Barcelona i huazoi te Bayern me 2.3 milion, e po kaq merr dhe Alexis Sanchez i Manchester United. /tesheshi.com/
