Marrëdhëniet mes futbollistëve të klubit të famshëm gjerman, Bajernit të Mynihut, dhe trajnerit të tyre spanjoll, Pep Guardiolës, nuk janë aspak të mira, për shkak të kërkesave të shumta të këtij të fundit, të papërballueshme për lojtarët.
Siç raporton e përditshmja gjermane Kicker, shkak për tensionimin e marrëdhënieve është bërë një letër e dhënë futbollistëve nga stafi i Guardiolës në lidhje me regjimin e ditëve të lira. Trajneri spanjoll dëshiron të dijë saktësisht se çfarë bëjnë futbollistët e tij, çfarë hanë, orarin e gjumit dhe të daljes në qytet, si dhe shumë gjëra të tjera, që kanë krijuar bezdi te futbollistët.
Gjithnjë sipas burimeve të mediumit gjerman, mësohet së njëri nga futbollistët ka debatuar me tone të ashpra me Guardiolën, duke mos i duruar më kërkesat e tij.
Guardiola, që ka lajmëruar largimin nga gjiganti bavarez në fund të sezonit, do ta ketë të vështirë t’i bëjë një mbyllje të lumtur aventurës së tij, siç bëri te Barcelona. /tesheshi.com/
