Ballkani po afrohet gjithnjë e më shumë drejt një përplasjeje të fortë që edhe pse në dukje nuk shpallet, ajo po ndodh realisht në terren.
Ndërsa dy vjet më parë nisi gara e armatimeve ndërmjet Kroacisë dhe Serbisë, ku në prapaskenë ishte SHBA dhe Rusia që u shitën armë strategjike aleatëve të tyre, kjo përplasje ka ardhur dhe është kthyer në fakt.
Pak ditë përpara stërvitjes së parbashkët serbo-ruse të titulluar “Vëllazëria Sllave” shpërthen një incident i rëndë që mund të provokojë konflikt sipas analistëve serbë dhe kroatë.
Beogradi ka arrestuar disa persona të dyshuar si spiunë kroatë.
Siç bën të ditur B92 prokuroria e Beogradit ka arrestuar një person që akuzohet për spiunazh.
Kjo atmosferë të kujton vitet ‘50 të shekullit të shkuar ku Shqipëria dhe Jugosllavia arrestonin njerëz të akuzuar për spiunazh dhe diversion ndërkohë që Ballkani vuajti një Luftë të Ftohtë që shpërtheu në vitet ‘90.
I dyshuari për spiunazh ka shtetësi të dyfishtë kroate dhe serbe dhe ndërsa ka jetuar deri në vitin 1990 në Kroaci, më pas lëvizi në Serbi duke kryer veprime diversioniste.
Një media kroate index.hr, thekson se është arrestuar një kroat që punonte për kundërzbulimin ushtarak kroat (VSOA) dhe që ka furnizuar me informacione për blerjen e armëve ruse nga Beogradi.
Spiuni ka qenë një ushtarak i lartë i JNA-së (Jugosllavna Narodna Armija)-Ushtrisë Jugosllave. I arrestuari ka mbledhur informacion mbi ushtrinë serbe dhe përhapjen e saj në kufirin kroat.
Analistët i shohin këto zhvillime si një minë me sahat që do të trondisë situatën në Ballkan.
Kroacia ka reaguar menjëherë pas arrestimeve të Beogradit, duke bërë të ditur se shumë shpejt do të japë qëndrimin e saj zyrtar.
Arrestimet janë kryer pas kërkesave të BIA, shërbimit sekret serb, që janë zhvilluar disa ditë pas një takimi që kryeministri serb, Aleksandër Vuçiq zhvilloi me krerët e shërbimeve sekrete të Beogradit.
Mediat serbe vunë në dukje se një takim i tillë ishte bërë edhe një vit më parë, pikërisht pak para se të shpërthejë incidenti i Lagjes së Trimave në Kumanovë.
Tensionet vijnë pak përpara stërvitjes së përbashkët “Vëllazëria Sllave” e cila do të zhvillohet këto ditë ndërmjet Serbisë, Rusisë dhe Bjellorusisë në kufirin kroat.
Bëhet e ditur se do të marin pjesë elita e ushtrisë ruse, parashutistët desantë. Rusia pritet që t’i japë Serbisë një sasi rraketash strategjike me rreze të mesme veprimi, ndërkohë që Kroacia pritet të blejë nga SHBA rraketa dhe kundër-rraketa strategjike. /tesheshi.com/
