Paraqitet me inicialet A. Zh, e me gjasë është fjala për Artur Zhejin. Në një klimë përgjimesh politike, Shqiptarja.com ka ofruar copëza nga “Dosja 978” e regjistruar në vitin 2009 në prokurorinë e Tiranës, ku objekt i hetimit ka qenë biznesmeni i kompanisë “Adriatik Development Corporatiopn LTD”, Kastriot Ismailaj, që sot po vuan dënimin me 11 vite burgim për aferën CEZ. I njohur si i afërt i Ilir Metës, në këtë dosje, sipas asaj çfarë ka raportuar prej kohësh gazetari Artan Hoxha, ndodhet ky komunikim mes Metës dhe Ismailajt, ku pak para zgjedhjeve të vitit 2009, presidenti i sotëme ahere kreu i LSI, i kërkonte një shumë prej 200 mijë eurosh, dukei thënë shprehimisht: “Nesër në darkë duhet të takohemi patjetër. Më duhen 200 mijë patjetër. Mos harro”.
Por kjo dosje, ndryshe nga ato të tanishmet që po trazojnë politikën, është mbyllur me vendim prokurorie për të mos u hetuar kurrë.
Megjithatë, Shqiptarja.com ka vendosur të publikojë copëza të saj, ku në biseda të afërta me Ismailajn shfaqen dhe gazetarë të afërt me Metën ose Nanon, siç dhe A.Zh. E siç dihet, Artur Zheji ka qenë i afërt me të dy.
Ai, në nisje të një bisede më Ismailajn, e nderon këtë të fundit duke e cilësuar dhe si “deputet”, e ndërkohë e finalizon bisedën me çëshje parash. Aty përmendet dhe Artan Sevrani, ish-një ndër pronarët e TV Arbëria, ku Zheji punoi me funksione drejtuese për disa vite.
Ndërkohë prej vitesh, siç dihet, Artur Zheji është ndër ndër zërat me të ashpër kundër Ramës, një pozicion që i korrespondon me të qënit afër Nanos dhe Metës.
Gazetari A.Zh: O Joti!
Kastrioti: Po ku je, o deputet!? Se të mora atë ditë, po s’e ngrejte. Isha me Sevranin…
Gazetari A.Zh: … Të mora edhe unë mbrapsht, po s’e ngrite … dilte i padisponueshëm … Nga je ti?
Kastrioti: Unë në Tiranë jam se na erdhi edhe Sevrani dje nga Vjena me gjithë Nanon, janë bashkë
Gazetari A.Zh: Jo ore!
Kastrioti: E ore e! Kemi habere të reja. Po ça më tha mua ai, se nuk mora vesh nji gjë unë?
Gazetari A.Zh: He?
Kastrioti: Është ndërru zona jote, nga Tirana e Re, ke vajt te … rruga e Fortuzit, ë?
Gazetari A.Zh: Jo, te rruga e Durrësit … nga 9-ta, te 5-a … Nga 5-a, tek 9-ta.
Kastrioti: … e ishte lagja 5 e vjetër.
Gazetari A.Zh: E, e, e
Kastrioti: Se, ndodhi rastësisht, më tako Tit Vargu.
Gazetari A.Zh: Po
Kastrioti: Edhe më thotë jam këtu anej, knej shefi?
Gazetari A.Zh: Ti ke ke 7-a?
Kastrioti: Jo, nuk është tek 7-a ai, vëlla … Këtu, këtu, mor, tek Samsungu. Nuk e di si i bjen si numër. Ku ka qenë Kol Nako … edhe kishte jo shefi pa shefi. I thashë unë: Ti do jeshë ajo nana jote ka qenë zysha e nanës teme … po unë do jem me deputetin tjetër … Një kena shefin dhe një kena vëllain e shefit.
Gazetari A.Zh: Sa i madh që je
Kastrioti: Po, për Zotin, Jo, tha, jo. Me më nimu për gjana, për vota, jo për lekë, më tha mu. Për lekë, e di unë që s’kërko ti, se ke fitu boll, i thashë unë.
Gazetari A.Zh: Lekë ka boll ai….
