Me ç’po ndodh, po kuptojmë se vendosja e Adriatik Llallës si Prokuror i Përgjithshëm, pas heqjes së Ina Ramës, ka qenë tëpke një zgjidhje si ajo e Nishanit-President pas përfundimit të mandatit të Topit. Në të dyja rastet, si me Topin e si me Ramën, Berishës nuk i dolën llogaritë; dhe pas tyre bëri zgjedhje të tjera që po rezultojnë të frytshme. Pas rolit të Nishanit tërërisht në shërbim të partisë së tij, është dhe Llalla që tashmë po i shërben me zell, dhe gati haptazi, atij që e ka vendosur aty, por dhe ndonjë tjetri, që po ashtu ka rol në të qënit e tij në krye të Akuzës….
Adriatik Llalla, Kryeprokurori i Republikës ka nisur që prej një muaji një plan të detajuar që tenton të ndikojë radikalisht në politikën shqiptare: t’i heqë Edi Ramës numrat për të qeverisur dhe të ndryshojë mazhorancën në mënyrë artificiale në Kuvend.
Si po ndodh kjo? Natyrisht nëpërmjet zbatimit të projektit të dekriminalizimit, duke larguar nga Kuvendi ata deputetë që në të kaluarën kanë pasur precedentë penalë apo probleme me ligjin.
Por ç’po ndoddh realisht?
I gjithë ky operacion nuk po zhvillohet integralisht, pra Prokuroria mbledh dosjet dhe i kërkon KQZ-së që të heqë mandatet e të gjithë deputetëve që dalin me njollë; por po zhvillon një operacion të mirëmenduar dhe selektiv, për të hequr të gjithë ata që konsiderohen si njerëzit që mbajnë në këmbë mazhorancën e re.
Cilat janë argumentet për këtë “politikë selektive” të Adriatik Llallës përveç aspektit që përmendëm më sipër, që është pra mosmbledhja e të gjithë subjekteve?
Shembuj për këtë janë tre deputetë: Tom Doshi, Flamur Noka dhe Artan Gaçi.
Sipas ligjit të dekriminalizimit, përjashtohen përjetë nga politika të gjithë ata deputetë që nuk kanë thënë të vërtetën mbi një ndalim të mundshëm prej policive të vendeve të tjera apo Shqipërisë.
Tom Doshi, sipas dokumenteve të publikuara është dënuar dy herë për rrahje gjatë regjimit komunist kur ka qenë ushtar.
Por emri i tij nuk është përmendur dhe sipas gjasave nuk do të jetë. Për kujtesë, Doshi është një nga deputetët që ka votuar për Adriatik Llallën-Kryeprokuror në vitin 2012.
Tom Doshi është edhe një nga deputetët që Edi Rama nuk e ka llogaritur si mbështetës të një qeverie të tij nëse kundërshtarët i kërkojnë mocion mosbesimi.
Ndërkaq, Flamur Noka, gjithashtu nuk ka vendosur në formular ndalimin që i është bërë nga policia serbe në vitin 1991, gjë që vetë Noka e ka raportuar në atë vit pranë organeve shqiptare.
Pra e ka shkelur ligjin e dekriminalizimit. Që do të thotë që duhej të largohej.
Por Prokuroria e Përgjithshme e shpëtoi me pretendimin se ka pyetur shtetin serb dhe ai ka thënë se nuk ka të dhëna, edhe pse bëhej fjalë për marrje në pyetje nga UDB-ja e atëhershme.
Ndërkaq, për Artan Gaçin, një piktor që është marrë me biznes e që nuk ka pasur asnjëherë një të kaluar prej “të forti”, Prokuroria pritet të kërkojë largimin duke përdorur një kundravajtje administrative në terrenin tatimor që ai ka pasur në të shkuarën si biznesmen pasi ka qenë pronari i të famshmes “Butique Firenze” në Tiranë.
Gaçi i prekur nga akuzat deklaroi dje se nuk kishte pasur asnjëherë problem me ligjin.
Por ç’fshihet pas Gaçit? Në listë për deputet pritet të vijë Petrit Vargu, një mjek kardiolog që ka qenë kandidat i LSI-së në zgjedhjet e vittit 2011 dhe ka marrëdhënie të mira me këtë parti.
Vargu ka shpallur një përplasje të ashpër me qeverinë dhe kryesisht me ministrin e Shëndetësisë, Ilir Beqja.
Pra operacioni i Llallës është politik pasi merr për bazë jo thjeshtë largimet por edhe zëvendësimet e mundshme.
Ka një “koinçidencë” që përputhet me këtë fakt.
Nëse do të largohet Tom Doshi, deputeti i radhës që vjen është një mbështetës i Edi Ramës dhe armik i Ilir Metës, përkatësisht biznesmeni me shumë reputacion në Shkodër Sahit Fishta, i cili u arrrestua nga prokuroria por që gjykata e shpalli të pafajshëm pasi nuk kishte asnjë provë kundër tij.
U hoq Shkëlqim Selami në Vlorë, pasi ai kishte shpallur armiqësi me Ilir Metën dhe ishte atashuar si përkrahës i Edi Ramës.
Pra prokuroria po tenton të ndryshojë numrat në Kuvend në prag të zgjedhjeve.
Por lind pyetja: Ç’rëndësi kanë numrat në prag të zgjedhjeve? E para, duhen për Presidentin e ri dhe e dyta, për planin e një “qeverie pa Edi Ramën” në zgjedhjet e 18 qershorit. Ajo që u tentua në korrik… /tesheshi.com/
