Ministri i Rendit Sandër Lleshaj foli “pa dorashka” për atë që prej vitesh duket sheshazi, se si krimi ka vënë pasuri, e si më të ai krekoset e dikton realitete.
Nga Apollonia, njeriu që drejton rendin në Shqipëri, tha se rrënjët janë pikërisht te lëndët narkotike.
“Prej kanabisit janë fuqizuar individë kriminale, pastaj kanë kaluar në nivele më të larta të trafikut të heroinës, kokainës, prodhojnë krim, por edhe dëm të imazhit të vendit”, tha Lleshaj.
Por ai u përbetua se ky lloj pushteti i tyre nuk do zgjasë shumë.
“Bëni çfarë të doni, nëse jua ka marrë Zoti mend, por dijeni se paratë do ju merren një ditë.
Krimi nuk mund të jetë një biznes dhe duke përcjellë këtë mesazh besoj që do të kontribuohet në parandalimin e mëtejshëm të krimit. Mund ta bësh një vilë nesër në rrugë kriminale, por rreziku që të ta marrin është shumë i lartë. Do i bëjmë shkolla, komisariate, qendra sociale…Besoj fort që nëpërmjet këtij procesi, mesazhi që do përcillet do të jetë i fortë dhe i qartë për të rinjtë e këtij vendi kur të shohin se çdo të ndodh me jahtin e biznesin e tjetrit.
Krimi ka avancë të përkohshme, por garën e fiton shteti”, tha gjenerali i besuar i Ramës në betejë me krimin. /tesheshi.com/
