“Përgjimet nuk janë prova, janë indicie që çojnë te provat, dhe duhet të presim që rasti të sqarohet nga organet përkatëse që po e hetojnë” – ka qenë kjo përgjigja e ministrit të Rendit Sandër Lleshaj, intervistuar nga DW, gjatë një qëndrimi të tij në Berlin, pasi u pyet mbi Dosjen 339, përgjimet e së cilës u publikuan nga Bild.
Siç tha ai, “Shqipëria është shumë më e madhe se një rast i shkëputur i një publikimi të një përgjimi te caktuar”.
“Nuk besoj që një publikim i tillë prish imazhin e Shqipërisë”, theksoi qetësisht Lleshaj
Ndërsa i pyetur për gazin lotsjellës lëshuar gjatë protestave të opozitës, për çka ka marrë dhe xanxën si “Llesh kimiku”, kreu i Rendit tha se është një lëndë e blerë nga opozita kur dje qe në pushtet.
“Ai gaz është një prodhim standard i certifikuar, i cili për fat të mirë nuk është blerë nga ne është blerë nga ata që sot bëjnë opozitë përballë nesh. Është blerë prej tyre. Policia ahqiptare e ka përdorur në minimumin e mundshëm, por mund t’iu them janë 191 vende të botës, të cilët e kanë të deklaruar në posedim të policive të tyre këtë gaz dhe absurditeti për këtë është se stilizohet politikisht ky gaz, i cili është blerë po nga opozita e sotme, është blerë në ditë mbas 21 Janarit ku u vranë qytetarë”, tha Lleshaj.
Ndër të tjera, ai ka bërë me dijë dhe për ekzistencën e rrjeteve të trafikut njerëzor drejt Europës, të kamufluar si shoqëri turistike, e që lëshojnë deri dhe çertifikata të cuditshme.
“Po rrisim punën hetimore në Shqipëri për të vënë para drejtësisë rrjete kriminale, të cilat nxisin këtë trafik dhe përfitojnë prej tij, të kamufluara në trajtën e shoqërive turistike, në trajtën e shoqërive të tjera, të cilat prodhojnë certifikata nga më të çuditshmet “certifikata gjakmarrje”, ‘certifikata orientimi seksual’, etj, nuk lënë gjë pa shpikur rrjetet e trafikut, për t’u krijuar qytetarëve një iluzion sikur do të përfitojnë azil në Francë”, theksoi Lleshaj. /tesheshi.com/
