Në një intervistë për A1 Report, ish-ministri Sandër Lleshaj tha se pamjet e vrasjes së 25-vjeçarit Klodian Rasha ekzistojnë tashmë, porse ka ende gjëra të pasqaruara nga ajo çfarë ka ndodhur.
“Kamera e trupi nuk prish punë pasi ajo do të na tregonte rrjedhjen e ngjarjes, ndërkohë që dinamika e ngjarjes është e zbardhur nga një mori kamerash. Tashmë është e provuar që ngjarje është në tejkalim të mbrojtjes në kushte ligjore të punonjësit të Policisë.
Sipas vlerësimit të deritanishëmm është e gjitha një dramë e sjelljes së papërshtatshme e një polici të vetëm të policisë. Duhet parë sepse por ende nuk e kemi një përse.
Vetë punonjësi i policisë nuk e ka thënë ende pse.
Motivi dhe detajet e vendimmarrjes së punonjësit të policit në ato çaste mbeten për t’u sqaruar”, tha Lleshaj.
Ministri i dorëhequr tha se ai ka qenë privatisht për vizitën në shtëpinë e të ndjerit, e se familja Rasha është shembullore.
“Familja Rasha po demonstron njjë dinjitet të jashtëzakonshëm, një dinjitet të pritshëm për një familje shqiptare, malësore. Gjej rastin edhe një herë që të shpreh edhe një herë ngushëllimet.
Kodi i vdekjes ndër shqiptarë është i shenjtë, shqiptarët kanë arritur ta ruajnë edhe sot traditën, ndryshe nga çdo pjesë të jetës sonë.
Shenjtëria dhe solemniteti i mortit shqiptar nuk është prekur.
Nga ana tjetër, më vjen shumë keq që u tentua nga segmente të caktuara për të shpërdorur dhe përdhosur një mort për qëllime të caktuara politike.
Edhe këtu dua ta falënderoj familjen Rasha e cila nuk u përdor por qëndroi me dinjitet.
Familja Rasha meriton të gjithë simpatinë e shqiptarëve sot. Unë kam qenë në një vizitë por nuk preferoj që këto vizita t’i bëj publike. E kam bërë vizitën pasi dhashë dorëheqjen. Jo se kisha merak për ta vajtur, se në veri shkohet në këto raste edhe te hasmi. Doja të shkoja thjesht si Sandër Lleshaj.
E kam konstatuar me nder që ata e meritojnë të gjithë respektin e shqiptarëve”, tha Lleshaj.
Në pjesën politike, si ish-ministër Rendi, Lleshaj tha se shteti shqiptar nuk është sot prej letre që të mund të rrëzohet kollaj me protesta, sado të dhunshme.
“Çfarë kërkohet me këtë dhunë, edhe nëse sot qeveria do të jepte dorëheqjen organizimi i zgjedhjeve do të shkonte deri në prill.
Duan thjesht të bëjnë tym e flakë?
Por nuk kanë një shtet letër para syve. Ka një shtet funksional, kanë një polici tjetër ndryshe nga siç e kanë lënë”, theksoi i dorëhequri Lleshaj. /tesheshi.com/
