Një video e tmerrshme nga Seattle u publikua në mediat amerikane, e cila tregon momentin kur një automjet goditet një grup protestues.
Sipas informacionit të parë, dy femra, të cilat u hodhën nëpër ajër për shkak të forcës së goditjes, e cila mund të shihet në video, u plagosën rëndë dhe po luftojnë për jetën e tyre. Të dyja janë mbi të njëzetat.
Drejtuesi u arrestua, por ende nuk dihet shkaku i kësaj ngjarje të tmerrshme.
“Automjeti kaloi nëpër një bllokadë dhe goditi këmbësorë të shumtë. Dy persona përfunduan në spital,” tha zëdhënësi i policisë në Uashington, Rick Johnson.
Ai theksoi se hetimi është ende në vazhdim.
Seattle është një nga pikat më të mëdha të protestave në SHBA, të cilat nisën pas vrasjes së 25 majit të afro-amerikanit George Floyd.
Një pjesë e protestuesve të dhunshëm arritën në një moment të dëbojnë policinë, duke deklaruar një zonë autonome pa polici, e cila shumë shpejt u bë skenë dhune. Protestuesit u hoqën nga zona këtë javë. /tesheshi.com/
