Lumë golash në ndeshjen kryesore të Premier League, atë mes Liverpool dhe Mancester City. Të dyja skuadrat nuk kanë menduar aspak të mbrojnë, e u përpoqën të shënojnë që në fillim. Trajneri Klopp i të kuqve kërkoi që në fillim presing të lartë, e gjithcka nisi mirë për Liverpool, që kaloi në avantazh me Oxlade-Chamberlain.
Skuadra e Guardiolës u përpoq menjëherë të vinte barazinë në ndeshje, duke rrezikuar me Aguero dhe Sane. Ishte pikërisht gjermani që barazon shifrat në fund të pjesës së parë, duke e ndarë në paqe këtë pjesë. Por paqja nuk zgjati shumë me fillimin e 45 minutshit të dytë, pasi fillimisht Firminho, e më pas Mane, i dhanë një avantazh sigurie vendasve. Citiziens nuk u tërhoqën e vijuan të sulmojnë, por një pjesërisht gabim i portierit Ederson, e çoi topin në këmbët e Salah, i cili pa menduar asnjë sekondë, gjuajti një parabël që me portierin e dalë nga porta, ndaloi në rrjetë, pavarësisht se nga largësi mbi 30 metra.
Pikërisht kur u duk se gjithcka u mbyll pas rezultatit 4-1, djemtë e Guardiolës vijuan të sulmojnë, duke e gjetur rrugën e rrjetës me anë të Bernardo Silva. Emocioni shoqëroi edhe minutat e fundit, ku ishte Gundogan që gjeti edhe një gol të tretë për Manchester City. Mes këtyre emocioneve u mbyll i gjithë takimi, pas të cilit skuadra e Klopp arrin vendin e dytë në Premier League, duke iu bashkuar dyshes që mban të njëjtën sasi pikësh në Premier League, që janë Manchester United, e Chelsea. Ndërsa Manchester City qëndron 15 pikë përpara tyre. /tesheshi.com/
