Në një kohë kur merkato e futbollit po ngroh motorrët, tek Liverpool, motorrët tashmë janë ndezur e janë vënë në punë. Me këmbënguljen e trajnerit Klopp, të kuqtë kanë blerë për rreth 85 milion euro, qendërmbrojtësin holandez Virgil Van Dijk.
Mbrojtësi ka qenë objekt dëshirash i shumë skuadrave të mëdha, si Manchester e Chelsea, por e ka pranuar të punojë me trajnerin gjerman dhe nga 1 janari, do të jetë në dispozicion të skuadrës.
Me shumën për të cilën u ble, VanDijk bëhet kështu lojtari më i shtrenjtë i historisë së Liverpool, por edhe mbrojtësi më i shtrenjtë në botë, kryesim që mbahej nga mbrojtësi i Mancester City, Walker, që u ble për 65 milion euro nga Totenham.
Komentet e para të opinionit sportiv e konsiderojnë të egzagjeruar shifrën për mbrojësin holandez, ndërsa italianët, si “gricës” e xhelozë, kanë ngritur pyetjen: Sa do të vlenin sot mbrojtës si Nesta e Cannavaro? /tesheshi.com/
