Dy lojtarë kyç të Liverpool-it, Muhamed Salah dhe Roberto Firmino do të mungojnë në ndeshjen e dytë gjysmëfinale me Barcelonën. Kjo vjen për shkak të lëndimit të tyre.
Muhamed Salah u largua me lot në sy nga fusha për shkak të një përplasjeje me lojtarin e Newcastle, Martin Dubravka, lojë e cila përfundoi 3-2 për Liverpool-in.
Trajneri i “The Reeds”, Jurgen Klopp thotë se ndrydhja që Salah ka pësuar do ta mbajë atë jashtë fushës për ndeshjen e radhës që do të mbahet në stadiumin e tyre në Anfield.
Ngjashëm do të jetë edhe fati i Firminos, i cili për shkak të një lëndimi muskulor do të mungojë. “Dy nga sulmuesit më të mirë në botë nuk do të jenë në gjendje të shënojnë dhe neve na duhen katër gola”, thotë Klopp, i cili beson te kualifikimi me Barcelonën.
“Kjo nuk po na e lehtëson punën, por do të bëjmë çmos për të përfunduar me nder këtë rrugë që kemi nisur”.
Megjithatë Klopp është i bindur se Salah do të mund të luajë në finalen e Premier Ligës në lojën kundër Wolves, që mbahet të dielën, ku “Të kuqtë” e kanë shansin të prekin lavdinë për herë të parë që nga viti 1990. /tesheshi.com/
