Jurgen Klopp tashmë ka arritur të sigurojë finalen e parë me skuadrën e tij të re. Liverpool-i është në finalen e Kupës së Ligës. Gjysmëfinalja ka rezultuar një dramë për vendasit e Liverpool-it, që është dashur të gjuajnë 11-metërshat për të fituar.
Ndërsa Liverpool-i e kishte fituar 0-1 ndeshjen e parë gjysmëfinale ndaj Stoke City-t më 5 janar, ndeshja e dytë ofroi të njëjtën tablo, por në krah të kundërt. Marko Arnautovic i befasoi vendasit kur shënoi në fundin e pjesës së parë për skuadrën e tij, duke e kaluar Stoke City-n në epërsi, me rezultatin e dy ndeshjeve të barazuar tanimë.
Ndërsa rezultati nuk do të ndryshonte më tej, edhe pas kohëve shtesë, i fiksuar në 0-1, në fund u desh të
gjuheshin 11-metërshat për të përcaktuar fituesin.
Joe Allen ishte vendimtar në përfundim të një serie të gjatë goditjesh nga pika e penalltisë, duke e thyer gardianin e Stoke City-t, Butland, e duke u dhuruar fitoren të kuqve në këtë duel, e njëherësh edhe biletën e skuadrës së parë finaliste. Vendasit i kthyen në gol gjashtë 11-metërsha, kurse miqtë shënuan në pesë prej tyre.
Liverpool-i pret i qetë fituesin e duelit tjetër, Everton – Manchester City, që do të zhvillohet sonte, teksa Everton-i e ka fituar 2-1 takimin e parë. /tesheshi.com/
