Kampioni aktual evropian i futbollit, Liverpool është gati t’i ofrojë Paris Saint-Germain një shumë astronomike prej 250 milion euro për sulmuesin francez Kylian Mbappe, 20 vjeç, sipas mediave angleze.
Liverpool thuhet se është i gatshëm të lëshojë sulmuesin egjiptian Mohamed Salah te Real Madrid për 150 milion euro dhe në vend të tij të sjellë një francez të shkëlqyer në Anfield.
Sipas një gazete angleze, Mbappe do të fitonte 40 milionë euro në sezon me fanellën e “The Reds”.
Mbappe aktualisht ka një kontratë deri në verën e vitit 2022, e cila i sjell atij 17.5 milion euro në vit.
E përditshmja me qendër në Paris, Le Parisien deklaron se kontrata e re duhet të jetë e ngjashme me atë të Neymar, i cili fiton rreth 40 milion euro në sezon.
Para fillimit të sezonit, Mbappe tregoi se ishte gati për sfida të reja në karrierë. /tesheshi.com/
