Ministrat e Mbrojtjes së tre vendeve janë takuar në qytetin polak të Lublinit, ku kanë rënë dakort që një brigadë e përbashkët, me 4000 trupa, të jenë operacionale vitin e ardhshëm.
“Brigada multinacionale është një shenjë, një simbol, dhe një sinjal shumë i qartë për këdo që kërkon të minojë paqen në Europë,” ka nënvizuar në një deklaratë ministri polak i Mbrojtjes, Antoni Macierewicz.
Agjencia polake e lajmeve PAP e citon atë të ketë thënë, “Ne e shohim këtë brigadë si një forcë shtytëse që do ta përmirësojë ushtrinë tonë.”
Marrëveshja për të formuar brigadën është nënshkruar që në shtatorin e 2014-ës mes tre vendeve, e ajo do të marrë marrë pjesë përgjithësisht në operacionet paqeruajtëse.
Trupat e brigadës do të dislokohen në vendet përkatëse, për t’u bashkuar gjatë manovrave dhe operacioneve të përbashkëta. Marrëveshjet ushtarake të këtij lloji janë në përgjigje të pranisë dhe aktivitetit të shtuar të Rusisë në rajon, e pasojë po ashtu e konfliktit në Ukrainë. /teshesh.com/
