Kryeminstri Rama reagoi ndaj pretendimeve të PD-së, sipas së cilës, listat e hapura cenojnë marëveshjen e 5 qershorit mbi Zgjedhoren.
“Një këshillë miqësore për Lulzim Bashën e kolegët opozitarë jashtë Kuvendit:
Lërini sharjet e kërcënimet ju lutem e mos thoni u prish marrëveshja,se ajo marrëveshje u bë me ju e për ju, jo për ne!
Ne s’donim e s’duam administratë zgjedhore partiake, prandaj mos na provokoni se s’ua kemi borxh as ne, as populli jo e jo, pasi morët gjithçka deshët!
Peng Kuvendin e zgjedhësit,të cilëve do t’u japim mundësinë të votojnë për deputetin e jo vetëm për partinë, nuk i merrni dot!
Po mos na nxisni kundër asaj marrëveshjeje që e bëmë për ju po na lini ta votojmë…”, shkruan Rama në Twitter.
Rama propozoi një ditë më parë, në përgjigje të një kërkese të opozitës parlamentare, e cila e kishte vënë si kusht votimin e Zgjedhores, që listat të hapen por pa ndryshyar sistemin. Ishte kjo, sipas Ramës, dhe një përgjigje ndaj një sensibiliteti publik. /tesheshi.com/
