Mediat serbe kanë publikuar listën e vendeve që votuan kundër anëtarësimit të Kosovës në Interpol.
Bie në sy mes tyre Bosnja, e cila së fundi është ndjerë e ndëshkuar nga qeveria e Haradinaj për shkak të tarifimit të produkteve të saj me 10 përqind, së bashku me Serbinë.
Ato janë:
Republika e Afrikës së Jugut, Angola, Argjentina, Azerbajxhani, Bjellorusia, Bolivia, Bosnja dhe Hercegovina, Botsvana, Brazili, Kamboxhia, Kameruni, Kili, Kina, Qipro, Kongo, Kuba, Eritrea, Spanja, Greqia, Grenada, Guinea, Guinea Ekuatoriale, Ishujt Solomon, Indonezia, Iraku, Irani, Kenia, Kirgistani, Laosi, Libia, Libani, Malajzia, Maroku, Mauricius, Meksika, Moldavia, Mongoloa, Mozambiku, Mianmari, Namibia, Nepali, Uganda, Peruja, Filipinet, Republika Domenikane, Republika Demokratike e Kongos, Rumania, Rusia, Serbia, Sudani, Siria dhe Tunizi.
Mosanëtarësimi në Interpol ishte një ndër goditjet më të rënda për Kosovën pas dështimin për anëtarësim në UNESCO, dy vite më parë. Prishtina ia faturoi Serbisë këtë dështim, duke thënë se ajo loboi fort. /tesheshi.com/
