Pas dy partive opizitare LDK dhe Vetëvendosje, edhe Lista Serbe po kërkon zgjedhje të parakohshme duke ja bërë përfundimisht të ditur kryeministrit Haradinaj se nuk do kthehet në qeveri.
Deputeti i kësaj partie, Igor Simiç, ka konfirmuar se ata do mbesin në opozitë, ndërsa ka shprehur bindjen se në zgjedhjet e reja do të dalin edhe më të fortë.
“Nuk kemi frikë nga këto zgjedhje. Kemi fituar mbi 90 për qind të votave të serbëve në Kosovë dhe nëse shpallen me të vërtetë, do të fitojmë edhe më shumë, pasi qytetarët na besojnë”, ka deklaruar Simiç për mediat serbe.
Kujtojmë se për zgjedhjet eventuale është deklaruar edhe kryeministri Ramush Haradinaj, njëherit kryetar i AAK-së që ka thënë se deputetët e partisë së tij janë të gatshëm t’ia japin LDK-së nënshkrimet për shkuarjen në zgjedhje. /tesheshi.com/
