Lista Serbe pas disa muajsh bojkot institucioneve është dorëzuar, pasi sot i është rikthyer punimeve të Kuvendit.
Megjithatë, deputetët të kësaj liste kanë provokuar jo pak, pasi kanë thënë se mendimi i tyre për “Trepçën” mbetet i pandryshuar, derisa kanë lavdëruar edhe “shefin” e tyre real, pra kryeministrin serb Aleksandër Vuçiq.
Deputeti Slavko Simiq tha se u kthyen në institucione me qëllim që vetëm në këtë mënyrë mund të realizojnë qëllimet e qytetarëve serbë që jetojnë në Kosovë, derisa kërkoi që të formohet Asociacioni i Komunave Serbe.
“Do të vazhdoj të bëj presion për realizimin e interesave tona dhe marrëveshjeve të Brukselit. Këto janë përparësitë tona për të ardhmen dhe forcat e koalicionit t’i respektojnë marrëveshjet dhe të këmbëngulim në realizimin e marrëveshjes së Brukselit për formimin e Asociacionit të Komunave Serbe. Presim të realizohen marrëveshjet me koalicionin qeverisës. Serbia e Aleksandër Vuçiqit po i respekton gjitha marrëveshjet e Brukselit. Sot po votojmë buxhetin dhe presim investime në komunat me shumicë serbe. Është momenti i fundit që të fillohet AKS-ja dhe çelësi i mbetjes së serbeve në Kosovë është Asociacioni”, ka thënë Simiq.
Ndaj, fjalimit të deputetit të “Srpska”-s regoi vetëm deputetja e AAK-së, Teuta Haxhiu, por asnjë deputet tjetër.
Haxhiu, tha se institucioni ligjvënës nuk goxon të toleroi një gjuhë siç përdori Simiq, derisa fajësoi Veselin se po lejon të keqpërdoret foltorja e Kuvendit.
“Kush është Aleksandër Vuçiq këtu. Nuk mund të tolerohet kjo gjuhë. O mbroni interesat e serbëve këtu në Kosovës o shkoni në Beograd zgjidhuni deputetë. Nëse jeni deputetë të interesave të qytetarëve serbë në Kosovë përfaqësoni ato interesa, e jo të Vuçiqit. Dy tre deputetë të listës Serbe po luajnë me ndjenja tona, dhe ju kryetar po lejoni të keqpërdoret foltorja”, ka thënë ajo.
Me të përfunduar fjalën e saj Haxhiu, i është përgjigjur kreu i Kuvendit, Kadri Veseli.
“Me pas qenë në shekullin XIX e kishim shpall edhe njëherë pavarësinë e vendit. Me këtë gjuhë veç po e dëmtoni më shumë Kosovën”, ka thënë Veseli. /tesheshi.com/
