Zv.kryeministri i qeverisë, Dalibor Jevtiq, i ka bërë të qartë edhe një herë partnerëve të koalicionit PDK-në, AAK-në e NISMA-n se nuk e japin votën për themelimin e ushtrisë, pasi këta të fundit kanë thënë se besojnë se Lista Serbe do të ndryshojë qëndrim.
“Lista Serbe ka qëndrim shumë të qartë lidhur me transformimin, përkatësisht për atë që po quhet formim i Ushtrisë së Kosovës. Ne nuk do të votojmë për formimin e Ushtrisë së Kosovës”, ka thënë Jevtiq.
Kurse sa i përket marrëveshjes së Demarkacionit nuk kanë treguar si do të veprojnë.
“Sa i përket demarkacionit të kufirit me Malin e Zi, kjo çështje është problem i shqiptarëve dhe nëse vjen në rend dite në Kuvend ne edhe më tej do të jemi të përmbajtur”, ka thënë Jevtiq. /tesheshi.com/
