Lista Serbe, formacioni politik i serbëve të veriut të Kosovës që gëzon një numër deputetësh “aforfe” në Kuvend i vë kushte mazhorancës për zgjedhjen e Presidentit.
Kryetari i Listës Serbe, Slavko Simiq, tha për agjencinë e Beogradit “Beta” se ende nuk e kanë vendosur nëse do të jenë në seancën e nesërme kur zgjidhet presidenti.
Simiq tha se Lista Serbe kërkon nga partnerët në koalicion PDK dhe LDK të nënshkruajnë një dokument me të cilin ata sigurohen se pas zgjedhjes së presidentit, kërkesat e Listës Serbe do të plotësohen.
“Me partnerët tanë kemi pasur konsultime përsa i përket mbajtjes së senacës së jashtëzakonshme, por nuk kemi pasur ndonjë qëndirm zyrtar. Ne nuk kemi dashur që mbledhja e Kuvendit për zgjedhjen e presidentit të mbahet të premtën, para se ne të defionojmë disa kërkesa tona që lidhen me zgjedhjen e problemit të bashkësisë serbe në Ksovoës”, deklaroi Simiq
Kreu i Listës serbe shtoi se bëhet fjalë për zgjedhjen e problemeve, me të cilat serbët në Kosovë ballafaqohen që nga viti 1999 dhe që edhe më tej nuk janë realizuar.
“Nuk është mirë që të merren vendime pa u definuar qëllimet midis partnerëve në koalicion. Ne kemi pasur disa konsultime me Partinë Demokratike të Kosovës dhe Lidhjen Demokratike dhe ata na kanë dhëne fjalën se do të plotësojnë kërkesat tona. Por siç mund të shihet muajve dhe viteve të fundit, fjala e dhënë (besa) nga politikanët shqiptarë ka humbur kuptimin dhe nuk do të thotë asgjë”, tha Simiq.
/tesheshi.com/
