Lista Serbe i reagon ashpër Apostolovas për Asociacionin: S’pranojmë të krijohet kundër interesave tona

Lista Serbe ka reaguar ashpër pas deklaratës së bërë nga shefja e Zyrës së Bashkimit Evropian në Kosovë, Nataliya Apostolova, sipas të cilës Asocacioni do të bëhet vetëm duke respektuar ligjet e Kosovës, respektivisht vendimin e Gjaktës Kushtetuese.

“Srpska” thotë se nuk pranon në asnjë mënyrë që Asociacioni të krijohet kundër interesave të tyre.

“Zonja ka shprehur pikëpamjen se Asociacioni i komunave serbe do të formohet në përputhje me vendimin e Gjykatës Kushtetuese në Prishtinë. Apostalova ka harruar se formimi i komunave serbe ishte obligim nga Prishtina në marrëveshjen e Brukselit dhe jo në bazë të disa vendimeve të disa gjykatave. Lista dhe populli serb nuk do të pranojë krijimin e Bashkimit përtej asaj që ekipi negociues i Beogradit nënshkruar”, thuhet në reagim.

Kjo parti më tej thekson se përfaqësuesja speciale e Bashkimit Evropian, në procesin e negociatave duhet të jetë një ndërmjetëse neutrale.

“Nëse deklarata e znj. Apostalova në Bashkimin Evropian është zhgënjyese, kjo do të thotë se BE nuk respekton as ato marrëveshje që është garantuese e zbatimit”, thuhet në reagim. /tesheshi.com/