Lista Serbe, pas dërgimit në Gjykatën Kushtetuese javën e kaluar të ligjit për “Trepçën”, sot e deponoi në këtë institucion edhe kërkesën për rrëzimin e ligjit për Investime Strategjike, që u miratua javën e kaluar në parlamentin e Kosovës.
Shefi i grupit parlamentar të “Srpska-s”, Slavko Simiq, pas deponimit të kërkesës tha se nuk do të hyjnë në dialog me institucionet e Kosovës për kthimin e tyre në institucione “derisa ka ligje të tilla të cilat janë në dëm të komunitetit serb”.
“Projektligji për investime është i dëmshëm dhe njëri nga faktet është se konteston edhe pronësinë e Kishës Ortodokse në Kosovë”, tha Simiq.
Ai nuk është përgjigjur në pyetjen e gazetarëve se cilat janë kushtet për kthimin e tyre në institucione. /tesheshi.com/
