Një ditë më parë, Edi Rama sulmoi ashpër LSI-në duke ofruar modelin nepotik të Balilajve në pellgun Sarandë – Delvinë, referuar Rigels Balilit, kreut të Bashkisë së Delvinës, nipit të të Klemend Balilin. Këtë të fundit, që do ishte dhe një prej fakteve dhe argumentave bazë kundër LSI-së, Rama çuditërisht nuk e ka përmendur fare.
Klemend Balili ka qenë një nga drejtorët e LSI-së në zonë dhe realisht, fatura e dëmit politik prej tij i ka shkuar padrejtësisht PS-së. Vetë LSI nuk u deklarua kurrë për njeriun e saj të kërkuar për trafik ndërkombëtar droge, duke përfituar nga kanalizimi që PD u bënte akuzave vetëm drejt Ramës, për të patur disi mirë me Metën.
Pra, Rama nuk e përfshiu Kelin në akuza por Rikun, siç njihen të dy në zonë me shkurtime emrash, duke zgjedhur të përqëndrohet te “tepsia”. Ai renditi një sërë emrash me lidhje farefisnore dhe e krushqie me Balilin e Delvinës, të emëruar në poste të ndryshme, të niveleve të ndryshme, sa në Delvinë e sa në Sarandë.
Ata që ja kanë referuar listën, qartazi kanë patur djallëzi politike brenda, pasi nëse do nisemi nga konteksti social, në një zonë si Delvina, tipike një provincë shqiptare, është mëse normale që njerëzit të jenë të afërt me njëri-tjetrin, me lidhje gjaku apo krushqie. Nëse i njëjti kriter ndiqet edhe për provinca të tjera të ngjashme, i njëjti rezultat do ishte: të punësuarit në administratë do rezultonin të lidhur me shumë fije me drejtuesin kryesor lokal.
Tjetra që çalon në listën me prozë politike që i kanë ofruar Ramës e që ai e ka lexuar para masës elektorale në Sarandë, si një “denoncim me prova” për LSI-në, është që shumë prej emrave të atyshëm të afërt me Rigels Balilin kanë vite që punojnë në administratë shtetërore, madje duke përbërë një model shembullor të nëpunësit, apo ndryshe të shërbëtorit të shtetit.
Një nga ato është Rovena Llalla, kunata e Rigels Balilit, një ndër specialistet e administratës tatimore në Sarandë. Alket Qendro, drejtori i kësaj administrate, ish-njeriu i Kokëdhimës që arriti t’i shpëtojë ndëshkimit në grup të të gjithë koçoistëve në Sarandë, pas prishjes së miqësisë edhe politike Rama – Kokëdhima, mund t’i ofrojë prova të qarta kryetarit të partisë së tij që Rovena Llalla, karriera dhe performanca e saj profesionale, nuk kanë asnjë pikë lidhje me Balilajt, apo me vetë Rigelsin të cilin e ka të shoqin e motrës. Madje Rama do duhej të ishte shumë i lumtur që në shtetin që kërkon të ndërtojë, të kishte sa më shumë modele të tilla në dministratë, hem për aftësinë e hem për moralin.
Kalojmë tek një emër tjetër: shefi i Arsimit në Delvinë, Fatos Llalla; bashkëshort i Rovenës, baxhanak me Rigels Balilin. Është po ashtu një ndër modelet më të mira të drejtorllëkut në zonë. Nëse Rama do kishte ndjekur linjën e promovimit të modeleve polizitive të Rilindjes, do i kish patur që të dy në listë.
Është një mënyrë komuniste e të menduarit se ata nuk duhet të gjykohen për cilësinë dhe aftësinë në ushtrimin e detyrës shtetërore, por për mpleksjet e fatit me këtë apo atë drejtues, me këtë apo atë parti.
Nisur nga kjo e fundit, as njëri dhe as tjetri nuk kanë qenë kurrë të inkuadruar në politikë, si anëtarë të ndonjë force politike.
U sollën këtë dy shembuj, për të ilustruar pasaktësitë e listës “Balili”, lexuar nga Rama, ofruar nga djallëzia politike e provincialitit mental të zones, që jo më kot njihet dhe për mitin social të 40 shejtanëve. /tesheshi.com/
