Nga Mensur Krasniqi
Paralajmërimet se SHBA dhe BE do të fusin në listë të zezë funksionarët e koalicionit qeveritar në Maqedoni, tani më janë realitet. Duke referuar u portalit maqedonas centarnews, nënkuptojmë që Shtetet e Bashkuara të Amerikës kanë vendosur në listën e zezë tanimë ish-ministrin e Transportit dhe Lidhjeve, Mile Janakievski.
Me ketë Janakievskit i ndalohet hyrja dhe udhëtimi në SHBA dhe një kohësisht të gjitha xhiro-llogarit bankare jashtë Maqedonisë i ka të bllokuara.
Kjo është masa e parë që SHBA-të e ndërmarin ndaj politikanëve nacionalistë të VMRO-DPMNE-së të udhëhequr nga kryeministri Nikolla Gruevski, të cilët dyshohen për kriminalitet dhe korrupsion. Janakievski është shpallur person i padëshiruar në SHBA-të dhe nuk mund të marr vizë për të udhëtuar.
Nga ana tjetër, portali shkruan se SHBA-të me shumë kujdes i kanë ndjekur të gjitha transaksionet bankare të politikanëve të VMRO-DPMNE-së të udhëhequr nga Gruevski.
Momentalisht, partia e VMRO-DPMNE-së, është kundër zbatimit praktik të Marrëveshjes së Përzhinos e cila parasheh që institucionet në Maqedoni të demokratizohen dhe të ketë liri të plotë të mediave.
VMRO-DPMNE-ja propozon që redaktorët e mediave të burgosen me 5 vjet heqje lirie si në Kubë që do të publikojn matriale të aferës së pë rgjimeve, ndërsa ministrat e LSDM-së të jenë vetëm “kukulla” në qeverinë teknike.
Nga ana tjetër, Janakievski në “bombat” e Zaevit ishte ministri më i përfolur së bashku me Sasho Mijallkov dhe Gordana Jankullovska të cilët dhanë dorëheqje të parevokushme nga postet qeveritare. /tesheshi.com/
