“Republika e re e humbësave”, e ka cilësuar kreu i mazhorancës, listën e kandidatëve për deputetë të PD-së. I pranishëm në një familje në Vorë, Rama nuk ngurroi që të përmendë edhe emra konkretë, sipas tij humbësish.
“Kosova humbës, ky Besnik Fuçia humbës. Bardhi humbës, Mediu fitues gjithmonë me humbje, gjithë humbësat bashkë. Kjo është PD-ja, republika e re. Republika e re e humbësave”, tha Rama, duke thënë se ka shumë arsye për të cilat vota i duhet dhënë PS-së. Ai veçoi vetingun, që pos drejtësisë e konsideron dhe si përcaktues në planin e ekonomik, posaçërisht hapjen e vendeve të punës.
“Tani kemi dhe vetingun dhe do hapen vende pune. Na duhet të kemi fuqi më të madhe për të bërë më shumë gjëra. Na duhet të na mbështesin më shumë që t’i mbështesim më shumë, nuk është se na duhen më shumë vota në Parlament për pushtet për vete, por na duhen për të bërë më shumë gjëra”, tha Rama. /tesheshi.com/
