Doktor Mentor Petrela, prezent në listën e publikuar nga Rama e ardhur nga populli, me denoncime për abuzime e korrupsion, ka reaguar ashpër. Sipas tij, është veçse një gomarllëk nga ana e kryeministrit, thënë një formë
“Populizmi është një mënyrë cinike për të luajtur me zemërimin e një mase amorfe që e përkëdhelin me emrin popull që jo rrallë është përdorur për të hequr qafe elitën “uzurpatore”. Shkaku është urrejtja e përjetshme dhe zilia ndaj talentit. Për të evituar gomarllëkun me të cilin ky populizëm ushqehet me mjetet e sotme të komunikimit influencuar dhe nga “Bota është e sheshtë” e Thomas Friedman i kam refuzuar këto mjete. Sot e gjej veten i korruptuar”, shprehet Mentor Petrela, që pothujase në gjithë reagimin e tij sikur ka dashur të bëjë një garë intelektuale me Ramën: “Në historinë e familjes pas ardhjes se komunistëve në ‘44, gjyshërit, klasa e përmbysur, e përjetuan me etiketa të varura në qafë “gjakpirës të popullit” me pas me gjyqe, deportime, burgje, internime kështu që kjo e sotmja me duket lule. Ajo qe me shqetësoi është mentaliteti i skuadronit i Saint Just “Mbreti duhet të gjykohet si armik”. Jetojmë ne demokraci, disa “realiste” janë pjesa me antidemokratike sidomos kur ndjekin shijen e plebës, harrojnë se ka padi difamacioni edhe pse Nietszche autokracinë e shtetit e përkufizon ‘përbindëshi i ftohtë’ ”.
Ndërkohë, Rama ka reaguar sërish, jo ndaj doktor Petrelës drejtpërdrejt, por ndaj të gjithë atyrë që u ka ardhur hidhur nga prania e emrit të tyre në listë.
“Më vjen për të qeshur nga reagimet komplet të disproporcionuara të raportit të publikuar. Nuk ka listë të zezë të asnjëlloj forme. Është thjesht një raport. Kush e interpreton këtë se ne do vihemi në lëvizje për të bërë presion, nuk ka kuptuar asnjë gjë. Nuk do të shfrytëzojmë asnjë ankesë të paargumentuar. Do të bëhet çdo gjë në mënyrë ligjore dhe mekanizmi për këtë është duke u ndërtuar. Nuk është mekanizëm fletërrufeshë elektronike. Mekanizmi që ne do të ndërtojmë kjo platformë ku çdo njeri do të ketë akses në bashkëqeverisje, nuk do të jetë një faqje ku njerëzit shfryjnë. Do të jetë për t’u dhënë hapësirë njerëzve që kanë shqetësim me ata njerëz që kërkojnë ryshfete dhe që japin shërbime pa thënë as faleminderit, as mirupafshim”, deklaroi kryeministri, gjatë një dëgjese publike, lidhur me vizionin e qeverisjes së re. /tesheshi.com/
