Opozita vijon të dënoncojë atë që e konsideron arrestim të paligjshëm të disa shtetasve kuksianë të mbajtur në burg, pas protestave të dhunshme në Rrugën e Kombit. Paligjshmëria sipas saj konsiston te koha e arrestimit, në orët e mesnatës, dhe këtë ajo e ka dëshmuar me anë të videoje të marrë nga një kamera vëzhgimi.
Pamjet janë denoncuar nga kreu Basha, duke u shoqëruar me thirrjen për reagim.
“Kjo është thirrje për një reagim popullor kundër padrejtësisë ndaj kuksianëve kurajozë që mbahen si kriminelë në burg, ndërkohë që kriminelët e vërtetë janë të lirë.
Ne jemi me kuksianët. Ne jemi me popullin. Ky regjim kriminal duhet të ndalet dhe se bashku duhet të rivendosim demokracinë, drejtësinë dhe dinjitetin e njerëzve të thjeshtë”, shkruan Basha.
Ky zhvillim, e ka vënë opozitën në rolin e Mine Pezës, e cila njihet në histori për thirrjet e saj “lironi djemtë tanë”, teksa fashistët po çonin në internim në Itali një numër të rinjsh shqiptarë të lidhur me komunizmin. /tesheshi.com/
https://www.facebook.com/lulzimbasha.al/videos/1852294308155075/?t=30
