Lirohet nga burgu babai i fëmijëve që vdiqën dje në aksident, merr pjesë në varrim

E tmerrshme dhe tragjike ka qenë dita e djeshme për familjen e durrsakut Sokol Negollari, kur ndërsa priste që bashkëshortja me tre fëmijët t’i vinin në takim në burgun e Rrogozhinës, ku edhe ndodhej, ka marrë lajmin e kobshëm për vdekjen e dy vogëlushëve të tij.

Sot, Sokol Negollari, banues në Durrës, ka marrë pjesë në funeralin e dy fëmijëve, të cilët ndërruan jetë ndërsa po udhëtonin në një makinë të drejtuar nga nëna e tyre 24-vjeçare, e cila u përplas me trafikndarësen në Kavajë.

Sokol Negollari nga Durrësi gjendej në burgun e Rrogozhinës për ndërtim të paligjshëm. Pas aksidentit të ditës së djeshme, Gjykata sot i ka ndryshuar masën e sigurisë në detyrim paraqitje dhe babai ka mundur të marrë pjesë në varrimin e dy fëmijëve të tij.

Nga aksidenti i pasdites së djeshme në Qerret të Kavajës kanë humbur jetën dy fëmijë të moshës 5 dhe 7 vjeç, ndërsa ka mbetur i plagosur fëmija një vjeç dhe nëna e tyre. /tesheshi.com/

Aksident i rëndë rrugor në Kavajë: vdesin dy fëmijët dhe plagoset nëna