Është liruar sërish nga burgu një nga të fortët e vendit dhe opozita ka akuzuar kryeministrin Edi Rama se ka dorë në këtë çështje.
Bëhet fjalë për Lulzim Keçin, të fortin e Shijakut, për të cilin PD-ja ka publikuar një foto në një darkë me Edi Ramën dhe Blendi Klosin.
Tre muaj pas arrestimit, Gjykata e Apelit e ka liruar Durim Keçin pas kërkesës së avokatit. Ai u arrestua në datë 11 tetor 2017 pas kërkesës së autoriteteve italiane, pasi është dënuar me 9 vite burg për disa vepra penale.
Arrestimi i tij u bë me qëllim ekstradimin drejt Italisë, por është liruar dy ditë më parë nga Gjykata e Apelit.
Keçi, i njohur edhe si i ‘forti’ i Shijakut është dënuar nga Gjykata e Genovas me 9 vjet e 7 muaj e 22 ditë burg për veprat penale, “Dhunë, kërcënim”, ” Shkatërrim prone me pasoja të rënda”, “Trafikim të lëndëve narkotike“, ” Krime me armë kundër personit”, ” Pjesëmarrje në organizatë kriminale me qëllim trafikimin e lëndëve narkotike” dhe” Shfrytëzim prostitucioni”.
Deputeti i PD-së, Enkelejd Alibeaj, Alibeaj deklaroi sot se e ka liruar Edi Rama nga burgu duke e shpëtuar nga ekstradimi.
Ndërkaq, mazhoranca, në kohën kur ka dalë fotografia me Ramën e Klosin, ka publikuar foto ku Lulzim Keçi ndodhej në çadrën e PD-së. /tesheshi.com/
