Deputetja e Vetëvendosjes Donika Kadaj Bujupi pas marrjes në pyetje në Gjykatën Themelore në Prishtinë është liruar.
Një gjë të tillë e ka konfirmuar për portalin tesheshi. com Shkodran Hoti, zyrtar për media në VV.
Ndërsa, deputetja Kadaj në një deklarim për mediat pas lirimit ka bërë të ditur se është marrë në pyetje nga prokuroria lidhur me rastin e 1 shtatorit të vitit të kaluar, kur ishin ndaluar nga policia në hollin e kuvendit pasi që dyshohej se u ishte gjetur sprej.
Ajo është ankuar në sjelljet e prokurores, e cila sipas deputetes, nuk ia ka lexuar të drejtat e saj dhe nuk i ka dhënë të drejtën për t’u mbrojtur me avokat.
Gjithashtu ajo e ka quajtur të pakuptimtë arrestimin e saj, pasi që kur ishte arrestuar më 1 shtator kishte qëndruar në paraburgim për 48 orë dhe as nuk ishte marrë në pyetje.
Kadaj u arrestua gjatë ditës në kufi me Maqedoninë, kurse polica, pasi konfirmoi arrestimin, tha se ajo ka qenë bashkëpunuese. /tesheshi.com/
