Pesë serbët e arrestuar me bujë në Gjilan, janë liruar në orët e pasdites, gjë që ka koinçiduar me kërcënimin e bërë nga kreu i së ashtuquajturës Zyrë për Kosovën në qeverinë e Beogradit, Marko Gjuriç. Ky i fundit tha se pa lirimin e tyre nuk do të ketë dialog me Prishtinën.
“Pas intervistimit dhe dëgjimit ata janë liruar dhe ndodhen në shtëpitë e tyre. Janë konfiskuar disa materiale të ndryshme armë dhe fishekë me ç’rast pas ekzaminimit do të shqyrtohet mundësia e hetimit të tyre për shkak të veprave në fjalë”, ka thënë prokurori i Gjilanit, Jetish Maloku.
Serbët dyshoheshin se kryenin aktivitet kundër sigurisë së shtetit të Kosovës, pa u specifikuar se çfarë konkretisht. Tashmë dyshimi është se lirimi i tyre ka ardhur pas një presioni ndërkombëtar, më shumë se nga Beogradi. /tesheshi.com/
