Gjykata e Tiranës liroi nga qelia dy protestuesit, të cilët u ndaluan pasi dogjën flamurin serb, varur në bulevard në kuader të samitit të radhës së “Open Balkan” që u mbajt në Tiranë.
Ata ishin pjesë e një proteste të thirrur nga Sali Berisha, më sfond të dukshëm politik, si matje force me Lulzim Bashën.
Ndaj, Albana Vokshi që foli pas lirimit, ndërfuti dhe Bashën në komente.
“Qëndrimin e gjykatës e përshëndesim, por arrestimi është i paligjshëm. Nuk ka prova për arrestimin e dy qytetarëve. Hetimi të jetë objektiv dhe të mos marrin urdhra nga Rama.
Askush dhe asgjë nuk mund të cenojë vendimin e sovranit demokrat. Lulzim Basha është thjesht një deputet. Vendimi u ratifikua nga 44 mijë demokratë”, tha ajo, duke mbivendosur apo përzierë disa realitete mbi njëra-tjetrën. /tesheshi.com/
