Lirimi nga ushtria, ministri teknik fiton “betejën”, po “lufta” vazhdon

Ministri teknik i PD-së, Dritan Demiraj, fitoi betejën ligjore me Ministrinë e Mbrojtjes për shkarkimin e tij nga detyra në ushtri, por kjo ministri ka vendosur të vijojë luftën.
Gjykata e Apelit Administrative e cilësoi të padrejtë lirimin nga detyra të Kolonelit Dritan Demiraj, i cili ishte ehqur nga puna në ushtri me urdhër të ministres së Mbrojtjes, Mimi Kodheli.
Por kjo ministri ka bërë të ditur se sapo të njihet me vendimin e zbardhur të apelit do të ushtrojë menjëherë rekurs në Gjykatën e Lartë.
Demiraj aktualisht mban postin e ministrit të Brendshëm pas marrëveshjes PS-PD.
Më parë Demiraj u lirua nga detyra me argumentin se ishte larguar pa leje jashtë vendit si dhe kishte keqpërdorur trupat elitë komando./tesheshi.com/