Me synimin për të përmirësuar ekosistemin e liqenit Pamvotida në Janinë, ka nisur një projekt për pastrimin e fundit të tij, i cili po realizohet nga një ekip zhytësish profesionistë dhe do të zgjasë dy muaj.
Gjatë ditëve të para të aksionit, nga liqeni janë nxjerrë masa të mëdha mbetjesh duke përfshirë goma, tavolina, karrige plastike dhe metalike. Pra, thënë cinikisht, si të ishin ujëra shqiptare, det, liqen apo lum.
Vitet e fundit, në fund të liqenit të Janinës, aty ku ndodhet dhe një muze i Ali Pashë Tepelenës, që ciniksht Shqipëria nuk e ka, është konstatuar një sasi e madhe mbetjesh të ngurta.
Aksioni synon gjithashtu informimin dhe ndërgjegjësimin e komunitetit lokal dhe vizitorëve, dhe për këtë arsye disa nga lëndët e ngurta që do të rikuperohen do të ekspozohen në një vend të përshtatshëm. /tesheshi.com/
