Kryeministri Edi Rama ka publikuar mëngjesin e sotë një video nga liqeni i Banjës, dhe rugës së re që lidh këtë fshat me Gramshin.
“Me këto pamje fantastike të liqenit të Banjës dhe të rrugës së re Banjë-Gramsh, ju uroj një ditë të mbarë”, shkruan Rama në rrjetin social.
Por, lidhur me këtë njoftim të Ramës, ka reaguar ish-kryeministri Sali Berisha. Sipas tij, ky investim është bërë ku ai ishte në pushtet, madje atëherë, Rama e ka quajtur mashtrim inaugurimin e fillimeve të punimeve.
Berisha vazhdon më tej, duke shtuar se ditën e sotme Rama është mburrur me investimet që ka bërë ai.
“Sot Rama mburret me “mashtrimin e Berishes”. Me 13 maj të vitit 2013, unë inaugurova fillimin e punimeve në Kaskadën e Devollit. Rama në atë kohë iu deklaroi qytetarëve në Gramsh se “kjo ishte genjeshtra e radhës e Berishës”. Ndërsa sot ai ka përshëndetur shqiptarët me këtë “gënjeshtër” të bërë realitet”, i përgjigjet Berisha me një tjetër postim në rrjetet sociale. /tesheshi.com/
